“महिलामा लगानी, सभ्य र सुनिश्चित भविष्यको थालनी” भन्ने मुल नाराका साथ ११४ औं अन्तराष्ट्रिय महिला श्रमिक दिवस (नारी दिवस) रामेछाप नगरपालिकाले एक विशेष कार्यक्रमका साथ सम्पन्न गर्यो। उक्त कार्यक्रममा रामेछाप नगरपालिका अन्तर्गत कार्यरत सम्पुर्ण महिला स्वास्थ्य स्वयम् सेविकाहरुको उपस्थितिमा अवकाश प्राप्त स्वास्थ्य स्वयम् सेविकाहरुलाई सम्मान जनक विदाई कार्यक्रम गरियो। सो कार्यक्रममा अवकाश प्राप्त महिला स्वास्थ्य स्वयम् सेविकाहरुलाई रामेछाप नगरपालिकाको तर्फबाट सम्मान स्वरुप दोसल्ला, नगद रु. २०,००० र प्रशंसा पत्र प्रमुख, उपप्रमुख र प्रवक्ताबाट प्रदान गरि सम्मान पुर्वक विदाई कार्यक्रम सम्पन्न गरियो। यस कार्यक्रमलाई थप प्रभावकारी र रोमान्चित बनाउन स्वयम् सेविकाहरुबाट सहभागि गराई “महिलामा लगानी, सभ्य र सुनिश्चित भविष्यको थालनी” भन्ने विषयमा वक्तृत्वकला र स्वास्थ्य स्वयम् सेविकाहरु, महिला जनप्रतिनिधिहरु र महिला कर्मचारीहरु सहभागी गराई म्युजिकल चियर खेल समेत सञ्चालन गरिएको थियो।
मितिः २०८०-११-२३