समाचार
बालमैत्री स्थानीय शासनयुक्त नगर घोषणा समारोह। (२०८२ भाद्र २१)
रामेछाप नगरपालिका २०८२ भाद्र २१ एक भव्य समारोहका बिच बालमैत्री स्थानीय सुशासनयुक्त पालिका घोषणा भएको छ । बागमती प्रदेशका मुख्यमन्त्री इन्द्रबहादुर बानियाँले नगरपालिकालाई जिल्लाकै दोस्रो र देशभरको २८ औँ बालमैत्री स्थानीय सुशासनयुक्त पालिका घोषणा गर्नुभयो । कार्यक्रममा बोल्नु हुँदै मख्य मन्त्री बानियाँले बालमैत्री पालिका घोषणा ठुलो उपलब्धि हो भन्दै यसको दिगोपनामा सबै पक्ष जुट्नुपर्ने बताउनुभयो । प्रदेश सरकारले पनि यसको दिगोपनामा सहयोग गर्ने उहाँको भनाई छ ।
