रामेछाप नगरपालिकाका प्रमुख प्रशासकीय अधिकृत श्री मित्र प्रसाद घिमिरे ज्यूको करिव १३ महिनाको कार्य सम्पादन पश्चात स्वास्थ्य मन्त्रालयमा सरुवा भई जानुभएकोमा उहाको आगामी दिनहरु सफल रहोस् भन्ने कामना सहित भेरी भेटौला कार्यक्रमका केही तस्वीरहरु।

रामेछाप नगरपालिकामा २०७७ जेष्ठ महिनाबाट पुर्वाधार विकास शाखा प्रमुखको भुमिकामा रही यस नगरपालिकाको पुर्वाधार विकास निर्माणमा अनवरत सेवा पुर्याई हाल संघीय निजामति सेवाको इन्जिनियरिङ सेवा सिभिल समुह हाइवे उपसमुहमा सिफारिस भई भौतिक पुर्वाधार तथा यातायात मन्त्रालय अन्तर्गत सडक विभागमा पदस्थापना हुनुभएकोमा प्रविण गिरीज्यूलाई हार्दिक बधाई तथा आगामी दिनको शुभकामना सहित फेरी भेटौला कार्यक्रमका झलकहरु।

माननीय उर्जा, जलस्रोत तथा सिंचाई राज्यमन्त्री श्री पूर्ण बहादुर तामाङज्यूलाई बधाई तथा शुभकामना ज्ञापन कार्यक्रम।

कार्यक्रममा रामेछाप नगरपालिकाका प्रमुख श्री लव श्री न्यौपानेको नेतृत्वमा रामेछाप नगरपालिकाका सम्पुर्ण जनप्रतिनिधि र कर्मचारीहरुले स्वागत गरी बधाई तथा सफल कार्यकालको लागि शुभकामना व्यक्त गरियो।

२७ साउन २०८१, आइतबार

रामेछाप नगरपालिकाको १५ औं नगरसभा आज मिति २०८१/०३/०९ गते सम्पन्न। यस नगर सभाबाट रामेछाप नगरपालिकाको आगामी आ.व. २०८१/०८२ को लागि कुल रु. ७३ करोड ६ लाख ६८ हजार ४ सय ८३ को नीति कार्यक्रम तथा बजेट स्वीकृत।

सार्वजनिक सुनुवाई (२०८१.२.१४ - रामपुर, रामेछाप)

रामेछाप नगरपालिकाले चालु आ.व. २०८०/०८१ को दोस्रो चौमासिक सम्म भए गरेका सम्पुर्ण कामकारवाही, सेवा प्रवाह, भौतिग प्रगति, वित्तिय प्रगति लगाएत सम्पुर्ण गतिविधिसंग सम्बन्धित भएर रामेछाप नगरपालिकाका सेवाग्राही र जनप्रतिनिधि बीच विभिन्न राजनितिक दलहरुको उपस्थितिमा सवाल जवाफ गरी सार्वजनिक सुनुवाई कार्यक्रम सम्पन्न गरियो।

लामो समय देखि यस रामेछाप नगरपालिकाको हिमगंगा स्वास्थ्य चौकीमा कार्यरत जनस्वास्थ्य निरिक्षक श्री तुल्सी नारायण प्रजापति ज्यूको विदाई तथा फेरी भेटौला कार्यक्रम।
मितिः२०८०/१२/०५

रामेछाप नगरपलिका र उद्योग तथा बाणिज्य कार्यालय मन्थलीको आर्थिक सहयोगमा रामेछाप विजनेश प्रोफेसनल वमनको आयोजनामा रामेछाप बजारमा ७ दिने दुना टपरी बनाउने सीप विकास तालिम उदघाटन कार्यक्रम र तालिम सञ्चालन हुदै ।

प्रजनन् स्वास्थ्य रुग्णताको स्कृनिङ तथा व्यवस्थापन शिविर सञ्चालन २०८०/१०/१४-१७ गते सम्म

रामेछाप नगरपालिकाद्वारा आयोजित प्रद्यानाध्यापकहरुको नियमित बैठकमा विद्यालयले बालमैत्री स्थानीय शासन युक्त विद्यालय घोषणा तथा दिगोपनाका लागि विद्यालयले पुरा गर्नु पर्ने बाल विकासका सूचकहरुमा आधारित रही हाल सम्म गरेको क्रियाकलावहरुको सूक्ष्म रुपमा समिक्षा गरियो साथै आगामी दिनमा बालमैत्री स्थानीय शासन कार्यान्वयनका लागि प्रतिवद्वता जाहेर गरियो।

"शिक्षा, स्वास्थ्य, कृषि, खानेपानी, पर्यटन र पूर्वाधार सम्मुन्नत र समृद्व रामेछाप निर्माणको आधार" भन्ने रामेछाप नगरपालिकाको मुल नाराका साथ १४ औं नगर सभा (हिउदे अधिवेशन) मिति २०८०/०९/१८ गते सम्पन्न।

"स्वास्थ्य क्षेत्रमा दिगो विकास, महिला सामुदायिक स्वयं सेविकाको संयुक्त प्रयास" भन्ने मुल नाराका साथ २०औं महिला सामुदायिक स्वास्थ्य स्वयं सेविका दिवस रामेछाप नगरपालिकामा एक कार्यक्रमका साथ मनाईयो।

वडा नं २ मा रहेको कालिका देवि माध्यमिक विद्यालय र वडा स्वास्थ्य चौकी भवनको समुद्धघाटन समारोह २०८० असोज ७ रोज १ शुभम

रामेछाप नगरपालिकामा सरुवा भई आउनु भएका प्रमुख प्रशासकीय अधिकृत श्री मित्र प्रसाद घिमिरे ज्युलाई रामेछाप नगरपालिकाका प्रमुख लवश्री न्यौपाने द्वारा स्वागत कार्यक्रम गरियो।

रामेछाप नगरपालिकाको १३ औं नगर सभा (आ.व. २०८०/८१ को वार्षिक नीति, कार्यक्रम तथा वजेट प्रस्तुतिकरण) मितिः २०८० असार १० गते

"शुन्य औलो अवको थलानी,

नवीनतम कार्य, कार्यान्वयनमा लगानी"

भन्ने नाराका साथ विश्व औलो दिवस, २०८० (25th April, 2023) मनाईयो।

रामेछाप नगरपालिकाको आ.व. २०७९/८० मा संचालित योजनाहरुको घुम्ति शिविर मार्फत उपभोक्ता समितिका पदाधिकारीहरुलाई अनुशिक्षण कार्यक्रम संचालन गरी उपभोक्ता समिति र नगरपालिकाबीच सम्झौता गर्ने कार्य मिति २०७९/०८/१५ गते वडा नं.४ हिमगंगामा र १७ गते वडा नं.३ साघुटारमा सम्पन्न गरियो।

आज मिति २०७९ जेष्ठ ९ गते रामेछाप नगरपालिकाका नव निर्वाचित नगर प्रमुख श्री लवश्री न्यौपाने ज्युद्धारा रामेछाप नगरपालिकामा पदभार ग्रहण गर्नुभएकाे छ । उक्त कार्यक्रममा रामेछाप नगरपालिकाका अन्य राजनितिक दलका अध्यक्षहरु, रामेछाप नगरपालिकाको प्रमुख प्रशासकीय अधिकृत श्री रामचन्द्र लामगादे सर, कर्मचारीहरु मित्रहरु, पत्रकार लगायत विभिन्न व्यक्तित्वहरुबाट उहाँलाई न्यानाे अतिथ्यता र फुलमाला सहितकाे स्वागत गर्नुभएकाे छ ।

त्यस्तै रामेछाप जिल्लाको मन्थलीमा अवस्थित वि.पि.को सालिकमा फुलमाला अर्पण गर्नुभएकाे छ । आजै नव निर्वाचित नगर उप प्रमुख लगायत ९ वटै वडा समितिका वडा अध्यक्ष र वडा सदस्यहरुलाई सपथ ग्रहणकाे कार्यक्रम सम्पन्न गर्नुभएकाे छ ।

२०७७/७८ को वार्षिक प्रगति तथा चालु आ.व २०७८/७९ को प्रथम चौमासिक प्रगति समीक्षा गोष्ठी।

"कृषि, पर्यटन, खानेपानी हाम्रो पुर्वाधार,

रामेछाप नगर विकासको दिगो आधार। "

भन्ने रामेछाप नगरपालिकाको प्रथम सभाले लिएको लक्ष्यलाई आत्म साथ गर्दै आज मिति २०७८/०३/१० गतेका दिन रामेछाप नगरपालिकाको प्रमुख श्री नर बहादुर थापा मगर ज्यूको अध्यक्षतामा नवौं नगर सभा सम्पन्न भएको छ।

सभामा रामेछाप नगरपालिकाका उप-प्रमुख श्री सृजना खड्काले आगामी आर्थिक वर्षमा सञ्चित कोष तर्फ संघीय सरकारबाट प्राप्त हुने वित्तिय समानीकरण अनुदान १५ करोड ४१ लाख, सशर्त अनुदान चालु २४ करोड ५१ लाख, सशर्त अनुदान पुँजिगत १ करोड ३८ लाख, विशेष अनुदान पुँजिगत १ करोड २५ लाख, समपुरक अनुदान पुँजिगत ७२ लाख, बागमती प्रदेश सरकारबाट प्राप्त हुने वित्तिय समानीकरण अनुदान १ करोड ३४ लाख ९९ हजार, सशर्त अनुदान चालु २५ लाख ५४ हजार, सशर्त अनुदान पुँजिगत १ करोड ८० लाख ७५ हजार, समपुरक अुनदान पुँजीगत ३ करोड, संघिय सरकार तथा बागमती प्रदेश सरकारबाट राजश्व बाँडफाँड वापत प्राप्त हुने १२ करोड ९४ लाख ३६ हजार ६ सय ६५ रुपैंया ५२ पैसा र नगरपालिकाको विभिन्न शिषर्कबाट प्राप्ट हुने आन्तरिक आयबाट प्राप्त हुने ५६ लाख ७० हजार समेत गरी कुल ६३ करोड १९ लाख ४४ हजार ६ सय ६५ रुपैंया ५२ पैसा आम्दानी हुने अनुमान पेश गर्नु भएको छ।

त्यस मध्ये चालु तर्फ नगरकार्यपालिका कार्यालय तर्फ ३१ करोड १३ लाख १८ हजार ३ सय ३४ रुपैया ४८ पैसा, वडा कार्यालय तर्फ ८९ लाख ५५ हजार, विषयगत शाखा तर्फ ३ करोड ७८ लाख २५ हजार, र पुँजिगत तर्फ नगरकार्यपालिका २१ करोड ३१ लाख १० हजार ६ सय पैसठ्ठि रुपैया ५२ पैसा, वडा कार्यालय तर्फ ५ करोड ७८ लाख ३५ हजार ६ सय ६५ रुपैंया ५२ पैसा, विषयगत शाखा तर्फ २९ लाख विनियोजन गरिएकोछ । यसबाट आर्थिक वर्ष २०७८÷०७९ का लागि चालु ३५ करोड ८० लाख ९८ हजार ३ सय ३४ रुपैंया ४८ पैसा र पुँजिगत २७ करोड ३८ लाख ४६ हजार ३ सय ३१ रुपैंया ४ पैसा गरी कुल जम्मा ६३ करोड १९ लाख ४४ हजार ६ सय ६५ रुपैंया ५२ पैसा व्यय हुने अनुमान गरी सन्तुलित बजेट प्रस्तुत गर्नु भएको छ।

साथै नगर सभाका केही भलकहरु

तेेस्रो राष्ट्रपति रनिङशिल्ड प्रतियोगिता - २०७८

रामेछाप नगरपालिकाका प्रमुख श्री नर बहादुर थापा मगर ज्यूको प्रमुख आतिथ्यता, उप प्रमुख श्री सृजमा खड्का ज्यूको विशेष आतिथ्यतामा तथा मुख्य राजनैतिक दलहरुको प्रतिनिधिहरुको उपस्थितिमा तेेस्रो राष्ट्रपति रनिङशिल्ड प्रतियोगिता - २०७८ समुद्घाट भएको थियो। उद्घाटनको क्रममा प्रमुख, उप-प्रमुख तथा राजनैतिक दलका प्रतिनिधिहरुले "स्वास्थ्यका लागि खेलः राष्ट्रका लागि खेल" भन्ने नारालाई समर्थन गर्दै सहभागि सबै खेलाडिहरुलाई सफलताको शुभकामना व्यक्त गर्नु भएको थियो। साथै प्रमुख ज्यू नव वर्ष २०७८ को सबैलाई शुभकामना व्यक्त गर्नुभएको थियो। कार्यक्रमको सुरुवात प्रमुखबाट javelin throw खेल खेलेर भएको थियो।

रामेछाप नगरपालिका द्वारा संचालित सहकारी संस्थाहरुकाे लेखा व्यवस्थापन पाँच दिने तालिम २०७७ चैत २३ गते समापन । तालिममा १७ वटा सहकारीका ३४ जना सहभागी।

७१ औं राष्ट्रिय प्रजातन्त्र दिवस

आज मिति २०७७ फागुण ७ गते ७१ औं राष्ट्रिय प्रजातन्त्र दिवसको अवसरमा रामेछाप नगरपालिका कार्यालय प्राङ्गणमा वृक्षारोपण कार्यक्रम गरियो। उक्त कार्यक्रममा प्रमुख श्री नर बहादुर थापा मगर, उपप्रमुख श्री सृजना खड्का, वातावरण विभागका महा निर्देशक श्री मुकुन्द निरौला, प्रमुख प्रशासकीय अधिकृत श्री रामचन्द्र लामगादे, सरकारी कार्यालयका प्रमखहरु, सञ्चारकर्मी लगायत नगरपालिका कार्यालयका कर्मचारीहरुको सहभागिता रहेको थियो।

आज मिति २०७७ साल माघ २६ गते रामेछाप नगरपालिकाका उपप्रमुख श्री सृजना खड्काको प्रमुख आतिथ्यमा "आधुनिक उत्पादनमुखी विकास अवधारणा, मोडेलहरु र भुमिका सम्बन्धि तालिम" कार्यक्रम सम-उद्घाटन भएको छ। साथै उक्त तालिममा ९ वटै वडाको मेलमिलाप संयोज र ९ वटै वडाको बुद्वीजिवि, समाजसेवीहरुको सहभागिता रहेको छ र तालिम दुई दिन सञ्चालन हुने छ।

रामेछाप नगरपाालिकाको नगर प्रहरीमा भर्ति हुनु भएको नगर प्रहरी हवल्दारलाई दर्जानी चिन्ह र प्रहरी जवानहरुलाई टिका लगाएर काम कर्तव्यको बारेमा निर्देशन दिनु हुदै यस नगरपालिकाको प्रमुख श्री नर बहादुर थापा मगर र उप-प्रमुख श्री सृजना खड्का। (२०७७.४.२७ )

रामेछाप नगरपालिकाकाे प्रमुख श्री नर बहादुर थापा मगर र उप-प्रमुख श्री सृजना खड्काको आतिथ्यमा नगर प्रहरी दिक्षान्त समारोह कार्यक्रम। मिति: २०७७/०४/२५ गते जिल्ला प्रहरी कार्यालय मन्थली।

सम्पत्ति तथा व्यवसायिक करको सफ्टवेयर सञ्चालन सम्बन्धि ३ दिवसिय वडा सचिवहरुलाई क्षमता विकास तालिम ‍सञ्चालन भई आज रामेछाप नगरपालिकाका उप-प्रमुख श्री सृजना खड्का ज्यूको अध्यक्षतामा कार्यक्रम ‍समापन गरियो।

सातौं नगर सभा

"कृषि, पर्यटन, सडक‍, खानेपानी हाम्रो पूर्वाधार,

रामेछाप नगर विकासको दिगो आधार"

‍भन्ने मुल नाराका साथ रामेछाप नगरपालिकाको आ.व. २०७७/७८ को वार्षिक नीति, कार्यक्रम तथा बजेट प्रस्तुतिकरण।

मितिः २०७७ आषाढ १० गते

रामेछाप नगरपालिकाको चालु आ.व. २०७६/७७ को पहिलो चौमासिक अवधिमा प्रवाह भएको सार्वजनिक सेवा तथा विकास निर्माणको प्रभावकारीता विषयक "सार्वजनिक सुनुवाई" कार्यक्रम मिति २०७६ पौष ११ गते सम्पन्न भयो‍। साथै सोही कार्यक्रमको अवसरमा मिति २०७६/४/१० मा साँघुटार बजारमा आगलागि भै रामेछाप नगर कार्यपालिकाको मिति २०७६/४/१९ को निर्णयानुसार श्री अंकित श्रेष्ठ, श्री अनिस थापा मगर, श्री हरि माया मगर र श्री राजन कुमार सुवेदीलाई जनही रु. २५,००० को दरले सहयोग रकम वितरण गरियो।

https://www.youtube.com/watch?v=OmAx24olDfI

बालबालिकाका सरोकारका सवाल र बाल अधिकारको विषयमा केन्द्रित रही नगरका सबै सामुदायिक माध्यामिक विद्यालय / संस्थागत विद्यालय तथा नगरपालिका केन्द्र आसपासका आधारभुत विद्यालयमा अध्ययनरत करिव १०० जना बिद्यार्थीहरु र नगर पालिका प्रमुख बीच "बालबालिकासंग मेयर" कार्यक्रम सम्पन्न गरियो।

समन्वयात्मक एवम सहयोगात्मक सिकाई विधि र प्रविधि २१ औ शताब्दीको उपाहार हो । एक आपसमा असल र सफल सिकाई अनुभव र अभ्यासहरुको आदन प्रदान गर्नु नै अनुकरणीय सञ्चार सीप हो । अनुकरणीय सञ्चार सीपको माध्यमवाट संस्थागत र व्यक्तिगत सक्षमता हासिल गरी उचित व्यवस्थापन गर्नु नै सक्षम नेतृत्वको पेशागत दक्षता हो । सक्षम नेतृत्वको अगुवाईमा गरिने नमूना कार्यहरु जसले सेवाग्राहीहरुको आवश्यकतालाईतत्काल सम्वोधन गर्ने मात्र नभै उनीहरुमा सन्तुष्टि समेत प्रदान गर्दछ । ती र त्यस्ता कार्यहरु असल अभ्यास र सिकाई अनुभवको रुपमा स्थापित हुने गर्दछ र ग्रहणयोग्य हुन्छ पनि । संयोगवस त्यो अवसर पोखरा महानगरपालिकाका उपप्रमुखज्यूको संयोजकत्वमा गठित तथा सहयात्रामा रहनु भएका न्यायिक समितिका पदाधिकारीहरु र रामेछाप नगरपालिकाका उपप्रमुखज्यूहरुको संयोजकत्वमा गठित न्यायिक समितिका क्रियाशिल पदाधिकारीहरुको समुपस्थितमा रामेछाप नगरपालिकाका प्रमुखज्यू र प्रमुख प्रशासकिय अधिकृत लगायतका अन्य शाखागत कर्मचारीहरुवीचको अभूतपूर्व प्रत्यक्ष परिचय र अनुभव आदन प्रदान कार्यक्रमले दुवै नगरपालिकाका न्यायिक समितिहरुवाट सम्पादन भए गरेका कार्यहरु माथि परिचित हुने अवसर प्राप्त भयो । उक्त अवसरमा पोखरा महानगरपालिका उपप्रमुख श्री मन्जुदेवी गुरुङ्ग , रामेछाप नगरपालिकाका प्रमुख श्री नरवहादुर थापामगर र उपप्रमुख श्री सृजना खड्कावाट आफ्नो नगरपालिकास्तरवाट सम्पादित विकास निर्माणका कार्यहरुको समेत संक्षिप्त जानकारी समेत गराउनु भएको थियो ।

निजामती सेवा दिवस २०७५ को अवसरमा पहिलो सेवाग्राहीलाई सम्मान गर्दै, भाद्र २२ गते

नगरसभामा सहभागिता

रामेछाप नगरपालिकाको तेस्रो नगर सभा प्रमुख अथिति ३ नं. प्रदेश सरकार आर्थिक मामिला तथा योजना मन्त्री माननिय श्री कैलाश प्रसाद ढुङ्गेलज्यूको आथित्यमा सम्पन्न भयो ।

आज २०७५ अषार १६ गतेका दिन रामेछाप नगर पालिकाको आयोजनामा हरित सहर बनाउने लक्ष्यका साथ वडा नं. ८ बिटार देखि भंगेरि सम्म सडकको दांया बांया वृक्षारोपण गरियो । साथै श्री नन्दा बक्स गण रामेछापको सहभागिता र वडा अध्यक्षहरु, कार्यपालिका सदस्यहरु राष्ट सेवक कर्मचारीहरु सर्वसाधारण नागरिकहरुको सहभागिता थियो । साथै सहभागिता भै सहयोग गर्नु भएकोमा सबै पक्षमा धन्यवाद । रानपा नगर प्रमुख